BULAN, SORSOGON – Nakiisa ang Department of Agriculture – Bicol sa national kick off ng School-Based Feeding Program (SBFP) at Milk Feeding activity na ginawa sa Bulan South Central School.

Mahigit 1,200 na mag-aaral ang naging benepisyaryo ng lugaw at fresh choco milk mula sa Sorsogon Dairy Production and Technology Center.

Pinangunahan ito ng opisina ng Agricultural Programs Coordinating Office ng Sorsogon sa pamumuno ni APCO Marcial Bustarga at Assistant APCO Roser Rebellon.

Naroon din si Mayor Romeo Gordola ng Bulan, OIC Municipal Agriculturist Irish J. Alonzo, at Bulan South Central School Principal Edmon S. Morata.

Nagkaroon din ng Information Caravan kung saan ipinaliwanag ni Lovella Guarin, RAFIS Chief ang year round Be Riceponsible campaign na may pangkalahatang mensaheng “Huwag magsayang ng kanin at bigas.” (Mga kuhang larawan ni Eduardo Collantes, Jr. at Annielyn Baleza)