OCAMPO, CAM. SUR — “𝙎𝙖 𝙩𝙤𝙩𝙤𝙤 𝙡𝙖𝙣𝙜 𝙥𝙤, 𝙖𝙠𝙤, 𝙛𝙞𝙧𝙨𝙩 𝙩𝙞𝙢𝙚 𝙠𝙤 𝙥𝙤 𝙢𝙖𝙜 𝙝𝙮𝙗𝙧𝙞𝙙 𝙧𝙞𝙘𝙚…𝙨𝙖 𝙦𝙪𝙖𝙡𝙞𝙩𝙮 𝙥𝙤 𝙖𝙣𝙙 𝙩𝙝𝙚𝙣 𝙨𝙖 𝙦𝙪𝙖𝙣𝙩𝙞𝙩𝙮, 𝙨𝙞 𝙠𝙞𝙣𝙖𝙡𝙪𝙬𝙖𝙨𝙖𝙣 𝙥𝙤 𝙠𝙖𝙣𝙜 𝙝𝙮𝙗𝙧𝙞𝙙 𝙧𝙞𝙘𝙚 𝙨𝙖𝙠𝙖 𝙠𝙖𝙣𝙜 𝙞𝙣𝙗𝙧𝙚𝙙 𝙧𝙞𝙘𝙚, 𝙙𝙖𝙠𝙪𝙡𝙖 𝙥𝙤 𝙨𝙞 𝙙𝙞𝙥𝙚𝙧𝙚𝙣𝙨𝙮𝙖 𝙣𝙞𝙮𝙖. 𝙆𝙖𝙮𝙖 𝙣𝙜𝙪𝙣𝙮𝙖𝙣 𝙥𝙤, 𝙨𝙚𝙜𝙪𝙧𝙤 𝙥𝙤 𝙢𝙖𝙨𝙖𝙨𝙖𝙗𝙞 𝙠𝙤 𝙞𝙥𝙖𝙥𝙖𝙙𝙖𝙜𝙤𝙨 𝙢𝙞 𝙥𝙤 𝙞𝙣𝙞…𝙎𝙖 𝙩𝙤𝙩𝙤𝙤 𝙡𝙖𝙣𝙜 𝙥𝙤, 𝙢𝙖𝙮 𝙨𝙖𝙧𝙤𝙣𝙜 𝙡𝙪𝙜𝙖𝙧 𝙥𝙤 𝙠𝙖𝙢𝙞𝙣𝙜 𝙩𝙞𝙣𝙖𝙣𝙪𝙢𝙖𝙣 𝙣𝙞 𝙢𝙞𝙨𝙞𝙨 𝙣𝙜𝙪𝙣𝙮𝙖𝙣, 𝙣𝙖𝙜 𝙝𝙮𝙗𝙧𝙞𝙙 𝙣𝙖 𝙥𝙤 𝙠𝙖𝙢𝙞 𝙙𝙖𝙝𝙞𝙡 𝙣𝙖𝙝𝙞𝙡𝙞𝙣𝙜 𝙠𝙤 𝙥𝙤; 𝙣𝙖𝙥𝙖𝙩𝙪𝙣𝙖𝙮𝙖𝙣 𝙢𝙞 𝙣𝙜𝙪𝙣𝙮𝙖𝙣 𝙨𝙖 𝙎𝙖𝙣 𝙑𝙞𝙘𝙚𝙣𝙩𝙚 𝙣𝙖 𝙙𝙖𝙠𝙪𝙡𝙖 𝙥𝙤 𝙖𝙣𝙜 𝙙𝙞𝙥𝙚𝙧𝙚𝙣𝙨𝙮𝙖𝙣𝙜 𝙢𝙖𝙧𝙖𝙮 𝙠𝙖𝙣𝙜 𝙝𝙮𝙗𝙧𝙞𝙙 𝙧𝙞𝙘𝙚 𝙨𝙖 𝙞𝙣𝙗𝙧𝙚𝙙 𝙧𝙞𝙘𝙚. 𝘼𝙠𝙤 𝙥𝙤 𝙣𝙖𝙜𝙥𝙖𝙥𝙖𝙨𝙖𝙡𝙖𝙢𝙖𝙩 𝙣𝙖 𝙢𝙖𝙧𝙖𝙮 𝙨𝙖𝙠𝙖 𝙖𝙣 𝙨𝙖𝙠𝙪𝙮𝙖𝙣𝙜 𝙖𝙨𝙤𝙨𝙖𝙨𝙮𝙤𝙣 𝙨𝙖 𝙥𝙖𝙙𝙖𝙜𝙤𝙨 𝙣𝙖 𝙥𝙖𝙜𝙩𝙖𝙗𝙖𝙣𝙜 𝙨𝙖𝙢𝙤𝙣𝙜 𝙨𝙖𝙧𝙖𝙙𝙞𝙩 𝙣𝙖 𝙥𝙖𝙧𝙖𝙤𝙢𝙖 𝙣𝙖 𝙣𝙖𝙜 𝙚𝙣𝙜𝙜𝙖𝙣𝙮𝙤, 𝙣𝙖𝙜𝙥𝙖𝙠𝙪𝙨𝙤𝙜 𝙣𝙞𝙣𝙜 𝙗𝙪𝙤𝙩 𝙣𝙖 𝙞𝙥𝙖𝙙𝙖𝙜𝙤𝙨 𝙥𝙤 𝙞𝙣𝙞𝙣𝙜 𝙥𝙖𝙜 𝙝𝙮𝙗𝙧𝙞𝙙 𝙧𝙞𝙘𝙚, 𝙗𝙖𝙠𝙤 𝙡𝙖𝙣𝙜 𝙥𝙤 𝙞𝙜𝙙𝙞 𝙨𝙖𝙢𝙪𝙮𝙖 𝙠𝙪𝙣𝙙𝙞 𝙥𝙤 𝙨𝙖 𝙞𝙗𝙖𝙣𝙜 𝙡𝙪𝙜𝙖𝙧.”

Ito ang naging pahayag at testimonya ni Joel Caratao, isang farmer cooperator mula sa San Vicente-Balingbing Irrigators Association, kaugnay ng positibong epekto ng paggamit ng hybrid rice varieties sa isinagawang Hybrid Rice Technology Demonstration Field Day sa 100 ektaryang cluster rice areas, nitong ika-26 ng Pebrero sa Barangay San Vicente, Ocampo, Camarines Sur. Sa nasabing field day ay umani siya ng 87 sako ng palay (55-58 kilo bawat sako) sa humigit kumulang isang ektaryang techno demo area niya.

Dinaluhan ang aktibidad ng humigit-kumulang 400 kalahok na binubuo ng mga miyembro ng Farmers’ Cooperatives and Associations (FCAs) at mga kinatawan mula sa State Universities and Colleges (SUCs) galing sa 15 bayan ng Camarines Sur. Unang isinagawa ang farm walk at field demonstration kung saan personal na nasaksihan ng mga dumalo ang resulta ng clustering at mga teknolohiya sa pagtatanim ng hybrid rice.

Layunin nito na maipakita sa mga magsasaka ang epekto ng iba’t ibang hybrid rice varieties sa aktwal na kondisyon ng sakahan; maipalaganap ang paggamit ng makabagong teknolohiya sa produksyon ng palay; at mahikayat ang mas maraming magsasaka na gamitin ang high-yielding hybrid rice upang mas mapataas ang kanilang ani at mapalago ang kanilang kita.

Ang mga pribadong seed companies na nagsagawa ng technical discussion at technology demonstration ay ang SL Agritech Corporation, Allied Botanical Corporation, Syngenta Philippines, Inc., Seedworks Philippines Inc., Bayer Philippines, Inc., Leads Agricultural Products Corporation, Bioseed Research Philippines Inc., at Pro Agri Seed Copration. Bawat kumpanya ay nagbahagi ng kani-kanilang hybrid rice varieties, production protocols, at recommended farming practices upang higit na mapabuti ang rice production ng mga magsasaka sa rehiyon.

Naging sentro rin ng programa ang pagtalakay ng iba’t ibang katuwang na ahensya ng pamahalaan na nagbahagi ng kanilang mga serbisyo na sumasaklaw sa suporta para sa mga magsasaka, mula produksyon hanggang sa pagbebenta ng kanilang ani. Kabilang sa mga ito ay ang National Food Authority (NFA), Fertilizer and Pesticide Authority (FPA), Philippine Crop Insurance Corporation (PCIC), Agricultural Credit Policy Council (ACPC), Philippine Center for Postharvest Development and Mechanization (PHILMECH), National Irrigation Administration (NIA), at Land Bank of the Philippines (LBP).

Ulat ni: Emie Jane B. Malonzo, DA RAFIS 5 Kuhang larawan nina: Zandra Abogado at Ramon Adversario, Jr., DA RAFIS 5