Bilang suporta sa mas episyenteng pag-aani at pagdadala ng produkto ng mga magsasaka, limang Farmers’ Cooperative and Associations (FCAs) ang tumanggap ng hauling vehicles mula sa Department of Agriculture (DA) Bicol Corn and Cassava Program nitong ika-18 ng Disyembre, 2025 sa DA Regional Field Office 5 sa Pili, Camarines Sur.

Ang mga benepisyaryo ng nasabing mga behikulo na nag kakahalaga ng P2.6M bawat isa ay ang Daet Corn Growers Association, Inc. ng Camarines Norte; Pioduran Corn Cluster Organization at Tula-Tula Pequeño Farmers Agriculture Cooperative ng Albay; Del Rosario Corn Farmer’s Association (DELROSCOFA) ng Camarines Sur at Pandan Cassava Growers and Processors Federation ng Catanduanes.

Pinangunahan ni DA Bicol Regional Executive Director Rodel P. Tornilla ang isinagawang turnover ceremony kasama sina OIC Regional Technical Director for Operations Dr. Mary Grace DP. Rodriguez, Regional Corn and Cassava Program Coordinator Engr. Amabel N. Bombase, Regional Agricultural Engineering Division Chief Engr. Jerry A. Eboña, Corn and Cassava Program staff at kasamahan ng mga nabanggit na benepisyaryo.

Ulat at kuhang larawan ni: Z. Abogado